NaganiansOnline

To connect Naganians in the Town, Naganians OFW and Balikbayans all over the world.
 
HomePortalCalendarFAQSearchRegisterMemberlistUsergroupsLog in
Happy Fiesta Naganians 10th October 2014 - Viva St. Francis de Assisi !! Long live NAGANIANS!!
NaganiansOnline Team are pleased to announce that your forum is now optimized for browsing via mobile phones. We're still in the beta version of the feature, however you can now browse your forum using your smartphones. Click here for more information
Visit the new founded CAD Brothers "D Amazing Game Fowl" follow this link http://cadbrothers.multiply.com
Search
 
 

Display results as :
 
Rechercher Advanced Search
Navigation
 Portal
 Index
 Memberlist
 Profile
 FAQ
 Search
Cebu Weather Forecast
Forecast for Cebu City
NaganiansOnline

Share | 
 

 Pinulongan Binisaya

View previous topic View next topic Go down 
AuthorMessage
brendonval
Admin
Admin


Posts : 165
Reputation : 12
Join date : 2007-12-27
Age : 37
Location : Currently wala sa syudad sa Naga Cebu

PostSubject: Pinulongan Binisaya   Sun Jan 27, 2008 1:14 pm

ari natu eshare sa atung mga higala ang mga nagkadaiyang mga Hubad binisaya...pwede dinhi ang mga tigmo tigmo ug mga balak-balak...o kinsa man ang mo-una?..

_________________
"tell me who your friends are and I will tell you mine" .. para daghan tah ug malingaw!


Last edited by on Sun Jan 27, 2008 1:50 pm; edited 1 time in total
Back to top Go down
View user profile http://archersresume.tripod.com
brendonval
Admin
Admin


Posts : 165
Reputation : 12
Join date : 2007-12-27
Age : 37
Location : Currently wala sa syudad sa Naga Cebu

PostSubject: Re: Pinulongan Binisaya   Sun Jan 27, 2008 1:15 pm

Nahala.. ako lang sa'y una....kini nag-uluhan na

Kinilaw


Isdang dimalason, bulahan ikaw!
Unsaon ta man, nabihag ka sa laang
Sa ginansilyong nylon nga pukot
Nga gitaktak sa nangadlawong mangingisda.

Isdang bulahan, ikaw gidimalas!
Nagkisikisi, naghiyud-hiyod ka'ng
Gipareglahan, ug dayag nga gihuboan
Sa sinina mo'ng pilak.

Isdang palaran, isdang nagtinga,
Bisan ang gahum sa Magbubuhat
Wala mopugong sa lantip nga kutsilyong
Mitagud-tagod, mihiwa sa imong lawas.

Isdang alaut, hinungdan sa among pagmaya--
Ganina lang gatadlas-tadlas ka sa kaparatan.
Apan dimalas sa tanang dimalas,
Naglangoy ka na sa suka.

Isdang pinili, isdang napukan,
Ang imong dimalas nakabusdik sa among tiyan,
Gi-antus, gikilaw mo ang kasakit,
Ug ikaw among gikilaw.

Bulahan ka gayud, isdang kinilaw,
Kaysa kanamong mopiyait sa among pagkabihag,
Kanamong kasagaran maanod sa parat nga luhang
Dala sa aslom nga kaagi,
Kanamong tinagud-tagod, hiniwa
Ang diwa ug pagbati.

_________________
"tell me who your friends are and I will tell you mine" .. para daghan tah ug malingaw!
Back to top Go down
View user profile http://archersresume.tripod.com
brendonval
Admin
Admin


Posts : 165
Reputation : 12
Join date : 2007-12-27
Age : 37
Location : Currently wala sa syudad sa Naga Cebu

PostSubject: Re: Pinulongan Binisaya   Tue Feb 26, 2008 3:59 pm

Sugbo, Kumusta Ka?

Sugbo, sukad niadtong una ka'ng nakaplagan
Sa Portuges ug banyaga nga si Magellan,
Ang paglambo ug pagtubo mo dili mapugngan
Sama sa baha nga dala sa ulan.

Gikan sa paganong pagsimba sa mga anito
Nadani ikaw sa batobalani ni Santo Nińo,
Ug ang sayaw mo'ng abante kaduha, atras kausa,
Nahimong balaang pangaliya alang Kaniya.

Ug ang kanhiay sayaw sa pangaliyupo
Sa materyalismo sa bag-ong panahon naműmű.
Inay sayaw sa pagdayeg ug pangaliyaba,
Nahimong sayaw sa tag-dos nga kandila.

Puslan ma'ng naghisgot ta'g komersiyo,
Mangadto kita sa ilang sentro--
Kanhiay Carbon, Pasil ug Taboan man.
Apan karon sa Country Mall, Ayala ug SM gihulipan.

Wala'y ikatandi ang duha ka higante
Sa alimyon sa buwad, ginamos, danggit ug tangige
Nga nangamay diha sa Taboan, daplin sa kalye,
Matag higayon nga kita moagi.

Samtang nagkamahal ang mga palaliton
Misanay sab ang mga dagkong tindahan
Ang Gaisano Metro, pinakasayong tultulon
Yamats, nagkahabog, nagkataas na man.

Kaniadto sa Gaw ta mangita og tsinelas,
Sapatos, sinina, kape ug gatas.
Apan karon ang Gaw dili na nimo matultol
Tungod kay gipulihan sa mas dako nga Colonnade Mall.

Ang dalan Colon mismo ayaw sab kalimti,
Diin kanhiay tartanilla ang naghari.
Karon nagsardinas na ang mga jeepney
Ug ginadili ang pataka'g pangluwa ug pangihi.

Kaniadto mahimo ka'ng molabang bisan asa--
Apan karon, sige padayon, multahan ka.
Mga CITOM kada eskina nag-atang,
Pitohan ang mga malapason ug magpatakâ'g labang.

Naggilak-gilak ang nagkadaiyang kolor sa Colon.
Ang cellphones mahimong kalit lang labnihon.
Hapit tanang Sugbuanon sa cellphones nanag-iya--
Bahala'g dili makatawag basta ang text lang anaa.

Ang pinakalab-as nga salida imo na'ng nakita?
Kung wala, adunay barato nga mga VCD ginabaligya.
Sa kilid-kilid sa dalan Colon, naa'y daghan diha,
Kauban sa mga Buddha beads, kwintas ug Tamiya nga panglumbŕ.

Sugbo, makagutom ang paglaag-laag sa imong kadalanan,
Apan mga matimôtimô sa may Manila Bank adunay daghan.
Manggang hilaw, mani'ng tam-is ug parat
Ice water, ice candy--makatagbaw bisan sa barat.

O kung medyo puno ang imong pitaka
Ang Jollibee ug McDonald's, hala duawa.
Pagkaon sab sa Goldilocks, labihang lamia,
Basta ang putos ilabay lang sa trash can ha? Basin dakpon ka.

Ang mga batan-on mo, Sugbo, kumusta na?
Nagkabuang sa internet, Dance Revo ug Tamiya,
Counterstrike, Broodwars, Star Craft ug uban pa-
Ambot lang wala ba kaha mangabsent kining mga bataa.

Bisan asa ka paingon, ang sakyan mo jeepney.
Pastilan kabarato sa kanhiay pliti
Apan salamat sa huyang nga ekonomiya
Ang plete tag-tres pesos na.

Apan nganong magpaluto ka man sa init
Nga mahimo mang sa bugnaw ka magkurog--
Sulod sa V-hire nga mohatod nimo sa dapit
Diin ikaw nagpuyo ug mokanaug.

Ang mga agianan sab nga gitawag nato'g dalan
Gi-ayo, gitapakan, gipadak-an ug gipalapdan
Tungod kay sayod ang City Hall nga mga sakyanang nagdagan
Hapit na moapas ang gidaghanon sa mga molupyo ni'ng dakbayan.

Buot ipasabot, sayon na lang ang pag-adto sa Larsian,
Ang labing inila sa tanang barbekyuhanan,
Paboritong kan-anan sa daghang katawhan,
Nga nagtrabaho o nagsuroy-suroy, mahapunan o mabuntagan.

Kung buot ka'ng moadto sa Mactan
Ari na lang agi sa ikaduhang tulay
Kay mas lapad tinuod ang agianan
Naa pa'y parke sa ilawom diin mahimong magpaharuhay.

Apan pagmatngon lang, kung dili ka adunahan,
Nga jeepney o pribadong awto imong sakyan.
Tungod kay baynte singko pesos na ang flagdown sa taxi
Ug dos pesos ang matag patak niini.

Ay Sugbo! Tinuod gayud nga nausab ang imong dagway.
Ambot lang kaha kung matawag ba'g kahayahay,
Kay daghan gihapon nimong mga anak ang gihikawan sa kahamugaway,
Ug ang ordinaryong mamumuo, nagsingot lang gihapon, nagtulň ang laway.

Maayo pa'ng manganta na lang ta sa tagsa-tagsa ka panimalay,
Kondili, sa videoke nga hulogan og tag-singko ra, Bay.
Ingon niini ka-simple ang kinabuhing Sugbuanon--
Usahay pait, usahay tam-is, apan kanunay'ng malipayon ug malamboon.

Ug Sugbo, nakaplagan ka dili lamang ni Magellan
Kondili lakip na sa teknolohiya ug kabag-ohan.
Busa, pila ka tuig gikan niining adlawa
Paabota ang akong sunod nga pangumusta.

_________________
"tell me who your friends are and I will tell you mine" .. para daghan tah ug malingaw!
Back to top Go down
View user profile http://archersresume.tripod.com
albularyo
Junior Member
Junior Member


Posts : 32
Reputation : 1
Join date : 2008-03-05
Age : 37
Location : Crimson Coast, Haram Settlement

PostSubject: Re: Pinulongan Binisaya   Wed Mar 05, 2008 9:53 pm

ahak balak2x diay ni? buhat sa ko balak Laughing
Back to top Go down
View user profile
kinshi
Senior Member
Senior Member


Posts : 67
Reputation : 0
Join date : 2007-12-28
Age : 38
Location : Tsurumi ku, Yokohama City, Japan

PostSubject: Re: Pinulongan Binisaya   Wed Mar 19, 2008 3:52 pm

waaaaaaaaaa affraid

na halaaaaaaa!!!!!!!!!!!! GINHAWA delfin lol!
Back to top Go down
View user profile
brendonval
Admin
Admin


Posts : 165
Reputation : 12
Join date : 2007-12-27
Age : 37
Location : Currently wala sa syudad sa Naga Cebu

PostSubject: Re: Pinulongan Binisaya   Tue Apr 01, 2008 9:41 am

Ani-ay bag-o nga akong nalangkat gumikan sa moderno nga kasangkapan ang internet. Maghina-ot ko nga malingaw mo aning akong sugyot. Kini ang sulat ni Emong ngadto sa iyang higala

Kompyuter Ilitireyt

Bay,

Nauso na karon kining Internet. Miduaw ko og usa ka Internet café, Bay. Bugnaw ra ba kaayo ang sulod sa café, Bay, mora'g full blast ang aircon. Nakita nako ang labaw sa napulo ka kompyuter. Usa ra ang bakante ug mao kadto ang akong gigamit.

Pastilan, lingawa nako, Bay. Nakat-on ko'g chat sa mga wala hiilhing mga tawo dinhi sa Sugbo ug sa nagkalain-laing dapit sa kalibutan. Duna'y mi-estorya nako, Bay, nangutana siya, "CTC?" Pastilan, Bay, ihalas man ko aning chat. Abi nako'g cover to cover ang kahulugan sa CTC, diay to, care to chat diay. Busa, mitubag ko og, "Sure!" Pastilan, Bay, nangutana na man pud siya, "ASL?" Nagnganga na lang gud ko atubangan sa monitor, Bay. Na-unsa man ni, puro man ni shortcut ang extoryahanay sa chat! Pwerte niyang katawaa, Bay, nga ako siyang giingnan kung kahulugan sa ASL, ambot sa langaw ba. Gipasabot ko niya nga ang ASL nagkahulugan sa age, sex, and location. Mao kini ang sarang ipangutana sa imong bag-ong maka-chat.

Daghan mi'g naabot sa among estoryahanay, Bay uy. Pastilan, puro lagi shortcut. Pananglit, ang "you are" mahimo na lang "u r". Dayon, ang "I see" mahimo na lang "i c". Tinapolan man gyud ni, Bay. Pastilan.

Pastilan, Bay, miingon akong ka-chat nga mangihi kuno siya. Mi-type siya og "BRB". Pagkaluag na sa iyang pantog, nangutana ko'g unsa'y pasabot sa BRB. Be right back diay ang pasabot, Bay. Nahimuot gyud siya nako, Bay, kay ni-type man siya og "LOL", pasabot laughs out loud. Usahay pud, mo-type pud siya og "ROFL", pasabot rolling on the floor laughing.

Pastilan, Bay, ang mga lihok sa imong ka-chat imo na lang basahon sa screen tungod kay tua man sila sa layong dapit. Naglisud ko'g imagine kung unsa'y dagway sa akong ka-chat, Bay. Pastilan baya, Bay no? Basin gwapa to siya, o libat, o baho og baba, o gahubo ra...wala ko masayod. Screen ra akong gi-atubang, Bay.

Akong gipahibalo ang akong ka-chat bahin niining kalisud. Busa, mipadala siya og letrato. Pastilan, Bay, dalia rang miabot! Wala ra'y 30 segundos, nakita na nako ang iyang hulagway sa monitor sa computer. Bati man diay og nawong, Bay. Pastilan! Busa, miingon na lang ko'g, "GTG", pasabot got to go. Adto na ko. Ingon siya nga magpadala na lang siya og e-mail nako. Nitando ra pud ko.

Tuod man, Bay, pag-abli nako sa akong mailbox mga pipila ka minuto ang milabay, tua na sa sulod nag-atang ang iyang suwat. Pastilan no, kung iya pa tong gipadala sa koreo, tingali sunod buwan pa nako madawat ang iyang sulat.

Wala ra nako bawsi ang iyang sulat, Bay, kay basin ma-develop unya siya nako. Gwapa ra ba unta siya, pero may depekto lang sa iyang nawong. LOL

Ang imong higala,

Emong

_________________
"tell me who your friends are and I will tell you mine" .. para daghan tah ug malingaw!
Back to top Go down
View user profile http://archersresume.tripod.com
celskor
Junior Member
Junior Member


Posts : 42
Reputation : 0
Join date : 2008-03-05

PostSubject: Re: Pinulongan Binisaya   Wed Apr 09, 2008 4:55 pm

"Sa Ting-ulan, Gusto Kong Makita Ang Mga Alindanaw".
****
Kaanindot balikan niadtong panahon
Nga kita nagdula sa balisbisan nga nangaligo
Sa ulan, nahibulong ta sa dahon sa gabi nga
Di mabasa. Nangatawa ta nianang kinataw-an sa usa ka bata
Wa ta makasabot sa pinulongan sa ulan apan nasayod ta nga
Kini talidhay sa kinaiyahan. Naghimo tag kanal-kanal nga sama
Sa atong mga damgo karon nga agianan sa tubig ngadto sa
Sapa. Usahay gusto tang lantawon lahos sa bentana ang ulan,
ulan, ulan

Naghubo tang duha ug nangaligo gawas sa koral
Nasuko si Mawling nato kay atong gikawat ang iyang
Sinawod sa sandayong. Nanagan ta nga naggukod sa anino sa gabon
Ngadto sa kamotehan, sa kakugnan. Ug nalamba ta. Imong lawas nadat-og
sa Akoa.

Ug diha pa ta masayod nga di na diay ta mga bata dihang wa na ta nindoting
Magtan-aw sa mga alindanaw kay may kilat nga nagpataliwa nato.
Nahibulong ta nganong kalit mang nawalis ang gitapis nga kainosente
Sa atong pagkabata.

Karon, kay ting-ulan na man usab, buot kong masubli kadtong atong
Mga binatang kagiki. Apan wa na koy nabatyagang kilat kay mibalik nako
Ang talan-awon sa kaanindot sa mga alindanaw.
Back to top Go down
View user profile
celskor
Junior Member
Junior Member


Posts : 42
Reputation : 0
Join date : 2008-03-05

PostSubject: Re: Pinulongan Binisaya   Wed Apr 09, 2008 5:00 pm


= Igo na day =

Igo na day, igo na day
Basin ako ug mamatay
Igo nang pagpaantos mo
Gisakitan ‘king dughan ko
Pagka hapdos pagka hapdos
‘Daw dili kona maantos
Kalipa’y mobang magsud-ong
Nga magbakhu ako intawon

Please love me dear, Please love me dear
I need your kiss a loving care
Balik na day, balik na day
Tambali king mangakalaay

Pagka hapdos pagka hapdos
‘Daw dili kona ma-antos
Kalipa’y mobang magsud-ong
Nga magbakho ako intawon

Please love me dear, Please love me dea
I need your kiss a loving care
Balik na day, balik na day
Tambali king mangakalaay
Back to top Go down
View user profile
Sponsored content




PostSubject: Re: Pinulongan Binisaya   Today at 12:10 pm

Back to top Go down
 
Pinulongan Binisaya
View previous topic View next topic Back to top 
Page 1 of 1

Permissions in this forum:You cannot reply to topics in this forum
NaganiansOnline :: Life and Leisure :: Arts and Literature-
Jump to: